Kursus Pagusaha Para ha Lungbu' ba'gu



Ha Malaysia in hal sin lungbu’ ba’gu landu tuud dirihilan halga’ sin pamarinta. Bukun hadja in sila magayad di’ pasuukun in lungbu’ ba’gu pa hinang bukun marayaw sa’ sambil dihilan bulansang in kabataan bang biya’diin in hikatagi nila mag-usaha. Sin February 13 yaun in Pejabat Belia dan Sukan ha Sandakan nagpaawn kursus atawa seminar palihalan pag-usaha ha Sabah Hotel. Siyam nakura’ sin Belia Bahagia in himagdil sin kursus labay daing ha panaabbit sin Upis belia dan Sukan ha Sandakan.

In kursus ini hambuuk dān hikapasaplag sin bahana’ pagbus siyn iban pagdihil tatabangan ha manga lungbu’ ba’gu amun mabaya’ magpasung sin pag-usaha iban amun ampa tumagna’ magukab pagusaha. Lilay nila marayaw bang biya’diin in dān sin pagbus siyn ha supaya in manga sila mabaya’ di’ na kasigpitan. Sabunnal niya laung sin speaker yadtu “In tatabangan pagbus siyn hinang sin Kementerian Belia dan Sukan amuna in saluhay-luhay bang dira ha Malaysia”.

Pa manga ahli amun mabaya’ mamus siyn iban mangayu’ tatabangan ha Kementerian Belia dan Sukan asubu kamu ha manga kanakuraan sin Belia Bahagia sin manga kalagihan niyu hinangun.

Magsama-sama kita niyu himinang misan dakuman biya’ panaw bau-u bangman kita niyu miyamanaw.

Yaz

Belia Bahagia himagdil sin KURSUS KEPIMPINAN ASAS


Sandakan: Ha Taman Jalil Alip, pitsa 01-02 Novembir 2008, in Pejabat Belia dan Sukan Sandakan nagpaawn KURSUS KEPIMPINAN ASAS (Basic Leadership Course) para ha manga lungbu’ ba’gu waypa tumpukan. In parakala’ ini natarbilang hambuuk daing ha manga panawag –tawag sin Pamarinta Malaysia pa katan raayat in subay tuud sila magpatindug tumpukan sin lungbu’ ba’gu amun magad ha aturan sin pamarinta.

In manga Kapala iban sin kaibanan ahli himagdil sin Kurs ini labay daing ha panaabbiti sin Pejabat Belia dan Sukan. Sabab sin kita’ nila in Belia Bahagia kalagihan tuud palamurun ha prugram bihaini. Ha supaya in kapala iban ahli niya mabaut sin indaginis ilmu’ amun mahinang nila malim unu-unu na in tudjuhun nila pa hikarayaw sin lungbu’ ba’gu ha laum kawman iban pakatiluagan sin Malaysia.


Puas daing ha manga ilmu’ hindu’ ha 2 adlaw kurs in Belia Bahagia iban sin ahli niya maukab in pikilan pa jinisan kahalan ha katilibut nila iban mahinang sila suntu’ marayaw sin bangsa nila. Mula-mula na ha pasalan sin panali’ bukun marayaw gimuwa’ daing ha simud sin dugaing pihak di ha Sandakan palihalan sin kawman hiyuhulaan nila. Karna’ in pangatud sin kaibanan in kawman giyuwaan sin Belia Bahagia, kawman mamatay tau, atawa kan hipu’ sin jinisan karupangan. Daing ha ijin sin Tuhan in manga pikilan mangi’ yadtu inut-inut naig daing kanila labay daing ha suntu’ marayaw kita’ nila ha ahli sin Belia Bahagia.


In manga hinang maghagdil kurs atawa kan magpaawn dagbus prugram bihaini dihilan sataas-taas halga’ sin manga kapala sin Belia Bahagia. Karna’ tuput da ilmu, daing ha ijin sin Tuhan, madawhat sin manusiya’ unu-unu na in hajatun daing naman ha pakaradjaan pagdunya, pag-agama, iban magpatubu’ sin umagad magpalanyut sin bangsa.
Magsama-sama kita niyu magtuku-tiyukuhi pa hikalanyut sin Belia Bahagia. Hisiyu-siyu na daing kaniyu mabaya’ mahinang ahli parahi kami sulat ha e-mel: beliabahagia@gmail.com atawa tawagi kami ha umbul 0128191115 (MAI), 0128626963 (JOEFFRAN) atawa 0168446021 (YAZ).